Aktorja 28-vjeçare, Katie Holmes, ka braktisur të shoqin dhe ka marrë me vete Surin, vajzën e tyre të vetme. Lajmin e ka bërë zyrtar revista "Life Style", që bën të ditur se Katie ka 12 ditë që është larguar nga shtëpia e tyre në Beverly Hills. Në fakt, kjo që ka ndodhur, vërteton më së miri thashethemet e përhapura se midis çiftit gjërat kishin kohë që nuk po shkonin mirë.

"Katie donte të qëndronte larg Tomit, sepse ndihej sikur po jetonte brenda një tenxhereje me presion, - kështu ka deklaruar për revistën një nga miqtë më të afërt të çiftit. Me sa duket, aktores kohët e fundit i kishte ardhur në majë të hundës mania e të shoqit për të qenë perfekt. Tom Cruis i bënte shpesh kritika për faktin se duhej të tregohej gjithmonë e qeshur para publikut dhe të jepte përshtypjen se ishte duke bërë një jetë të lumtur. Janë të shumta netët kur Katie e dëshpëruar i ka telefonuar Victoria Beckam për ty shfryrë dufin e saj në lidhje me këtë martesë të dështuar.

Deri tani ajo si një bashkëshorte e mirë ka ndjekur dëshirat e të shoqit. Kjo gjë e ka privuar shumë nga liria e saj, sepse ishte Tomi ai që zgjidhte miqtë, lokalet ku duhet të rrinte, madje edhe oraret apo ditët kur ajo duhet të shkonte për shopping. Por më në fund ajo i tha "mjaft" detyrimeve ndaj tij dhe nuk dihet nëse ka ndërmend të kthehet në shtëpi. Nuk dihet as nëse gjesti i saj do të ndikojë që Tomi të kuptoje se duhet të respektohet liria dhe dëshira e të tjerëve.