Të gjitha dyshimet që prej kohësh kishin munduar këngëtaren Witney Huoston, tashmë kanë marrë fund. Pas 14 vjetësh martesë me këngëtarin Bobby Brown, me të cilin ka edhe një vajzë, më në fund ajo është divorcuar prej tij.

Jo vetëm kaq, por pas një beteje ligjore mjaft të fortë me ish bashkëshortin e saj ajo ka arritur të fitojë kujdestarinë e Bobbi Kristina, vajzës së saj. Ky ishte vendimi i gjykatës së kontesë Orange në Amerikë. Tani pritet vetëm që vendimi të bëhet zyrtar dhe të fillojë të zbatohet. Pas një periudhe shumë të vështirë më në fund Witney Houston ka filluar një jetë të re. Këngëtarja i kishte filluar praktikat e divorcit që në tetor të vitit të shkuar, pasi problemet e tyre ishin të pazgjidhshme.

E megjithatë, ndoshta për ta marrë këtë vendim për Whitney Huoston ndikoi edhe fakti që ish bashkëshorti i saj në këtë kohë, bëri gati valixhet dhe braktisi familjen e tij duke u hedhur në krahët e 23-vjeçare, Karrine Stefans, një pornostari të njohur në Amerikë. Gjithmonë martesa e tyre kishte qenë me probleme.

Bobby Brown është arrestuar dy herë, sepse është kapur me drogë dhe alkool, ndërsa këngëtares i është dashur shumë herë të ndjekë programe rehabilitimi për të shpëtuar nga varësia prej drogës.