Ilva Tare nuse! Mbrëmja e së shtunës për gazetaren e njohur të televizionit, Ilva Tare nuk ka qenë aspak e zakonshme. Në ambientet e mrekullueshme të hotel “Europa Park Rogner”, Ilva i ka thënë “Po”, bashkëshortit të saj amerikan Madj Nuri Shafiq. Nën dritën e qirinjve dhe një dekor, ku ka mbizotëruar e bardha, Ilva Tare ka bërë pohimin e madhe përpara një rrethi të kufizuar njerëzish, duke ruajtur në një farë mënyre initimtetin e jetës së saj. E veshur me fustanin e bardhë, për gazetaren e zhdërvjellët ka qenë padyshim nata më emocionuese e jetës së saj. Madj Nuri Shafiq ka ditur të zgjedh dhe nuk ka gabuar. Ai ka rrëmbyer zemrën e një prej emrave të gazetarisë shqiptare dhe nuk ka menduar asgjë tjetër përveç se të lidhet në martesë me të. Në një ceremoni tejet të rezervuar, që ka nisur diku nga ora 8 e mbrëmjes, të ftuarit kanë uruar çiftin me gotat e shampanjës në dorë nën praninë e punonjëses së Bashkisë së Tiranës, e cila ka zyrtarizuar martesën. Të gjitha detajet e dasmës ishin marrë përsipër pikërisht nga mbretëresha e mbrëmjes. Sigurisht, që në një dasmë, vëmendja përqëndrohet tek nusja dhe sidomos tek fustani i saj. Dhe në fakt të gjithë kanë qenë kurioz përsa i takon veshjes, së Ilvës. Ajo ka veshur një fustan të veçantë të zgjedhur tek “Geraldina Sposa”, në ngjyrë pana, që nuk ka qenë fort i zakonshëm në fakt. I puthitur në pjesën e bustit, ndërsa poshtë i gjerë, ai ishte një kombim me pantallona të çara në pjesën e gjunjve. Një tyl i hollë i shtrënguar fort pas belit, zgjatej në pjesën e pasme të fustanit të nusërisë, duke krijuar një lloj bishti nga pas. Rreth 40 miq, të afërm dhe kolegë të nuses kanë shijuar mbrëmjen në një mjedis të dekoruar bukur, nën sfondin e një muzike vërtet artistokrate. E bukur dhe e suksesshme Ilva ka gjetur tani princin e saj të kaltër dhe ne nuk nga ngelet veç t’i urojmë çifit “Jetë të lumtur”.